Tetun: Ministru Administrasaun Estatal Dr. Miguel Pereira de Carvalho, hala'o inagurasaun ba konstrusaun kanalizasaun Be’e mos sistema oravidade no konstrusaun estrada Bataun iha suku Leuro Postu Administrativo de Losplos Munisipiu de Lautem, 05/03/2021.

Ministru Administrasaun Estatal Dr. Miguel Pereira de Carvalho, hateten ami mai husi Dili too iha suku Leuro hodi inagura ita bot sira nia obra rasik husi Projetu Nasional Desenvolvimentu Suku (PNDS) fo iha tinan 2019 finaalizadu iha 2020. Tuir Ministru MAE dehan ‘’ha’u hakarak hato’o ba inan aman sira hotu iha suku Leuro katak Governu sentral VIII Governu konstituisional halo retorika apoiu deit bainhira kolia kona-ba dezenvolvimentu ne’e la halo deit iha sidade postu ka Aldeia maibe sei dezenvolve mos iha area rural sira hotu iha teriutoriu Timor laran tomak.’’ Programa PNDS nian liga bee mos sirkula iha komunidade sira nia le’et estrada no eletrisidade, Governo sentral dehan katak tenke desenvolvimentu iha sira nia leet sentru dezenvolvimentu tenke halo ba populasaun sira. Governu sentral ho nia representante munisipiu postu Administrasaun sei servisu hamutuk ho lideransa komunitaria sefe suku sefe Aldeia ho membrus konsellu suku inklui komunidade sira ba programa nasional desenvolvimentu suku atu nune’e bele desenvolve iha Timor laran tomak tanba povu barak mak hela iha area rural. Ministru MAE Hatutan no hodi Governu sentral nia naran husu ba komunidade sira hotu hodi tau matan ba infrastrutura ne’ebe mak halo ona iha suku no Aldeia tanba rekursu Estado nian limitadu tebes bainhira tau osan atu halo Desenvolvimentu iha area hotu hotu neduni ita tenke utiliza ho didiak. Depois de inagurasaun Ministru MAE halao dialog ho autoridade sukus sira inklui komunidade,hodi rona sira nia halerik nebe mak duranti ne’e sira hasoru iha baze hanesan, Estrada, Eletrisidade, Be’e mos, Saude, Edukasaun,no programa PNDS. Probelam hirak ne’e ministru MAE sei tau atensaun no sei hato’o iha konselho dos Ministru nebe povu hasoru iha baze.

Ministru mae husu agradese ba Sefe suku no membru konsellu suku sira hotu ne’ebe durante ne’e mobiliza komunidade sira garante programa ne’e lao ho diak obrigado mos ba presidente KPA.