Deutsch: 7 abril 2021: Ministra Saúde (MS) dr. Odete Maria Freitas Belo, MPH ho Vise-Ministru Saúde (VMS) Sr. Bonifácio Mau Coli dos Reis,Lic.SP hala’o Lansamentu Nasionál Imunizasaun Covid-19 iha Timor-Leste, iha Sentru Saúde Formoza,Díli.

Iha tempu ida-ne’e hakarak tebes agradese ba Maromak tanba ho nia kbiit mak it abele halibur hamutuk iha fatin ida-ne’e hodi asiste serimonia imporatnte Lansamentu Vasinasaun ba moras Infeksiozu no kontajiozu Covid-19 nian no aumezmu tempu ami mós selebra loron Mundiál Saúde nian. Hakarak hato’o informasaun balun ba ita-boot sira katak durante ne’e Ministériu Saúde (MdS) laserbísu mesak maibé liuhusi lideransa ne’ebé mak forte husi ita-nia Eselênsia Primeiru Ministru Sr. Taur Matan Ruak ne’eb’e mak lidera. La’ós iha tempu lansamentu vasinasaun ida maibé hahú kedas oinsá atu kombate moras Covid-19 to’o iha tempu ida-ne’e. Atu hatete katak vasina hanesan asaun ikusliu nian ba prevensaun Covid-19 nian, prevensaun Covid-19 ne’ebé mak Sua Eselênsia Primeiru Ministru sempre ko’alia liuhusi ami MdS nomós autoridade lokál sira. Sentru Integradu Jestaun Krize mak buat simples tebtebes katak husu ita atu uza maáskara, husu fase liman moos nafatin bainhira atu han ga kaer ita-nia matan ho ibun, husu ita atu labele halo agrupamentu ne’ebé mak boot, husu ita atu bele halo distansia nafatin, se bele karaik hela iha uma bainhira laiha nesesidade importante ruma ne’eb’e mak atu sai bá liur, ida-ne’e prevensaun ne’ebé mak simples ne’ebé mak ita-nia Primeiru Ministru sempre ko’alia hato’o atu ami MdS nomós minist’eriu relevante sira seluk atu bele hato’o ba iha komunidade sira, ida-ne’e mak ministériu saúde bele halo. Atividade ida ohin serimonia ne’ebé mak boot no importante tebtebes ikus liu ona atu bele kombate hasoru Covid-19 ida-ne’e, se atividade hanesan ha’u temi se ita balun lakonsege halo ita presizamente konsiensia atu bele partisípa iha atividade imunizasaun ou vasinasaun ba Covid-19 ba tinan ida-ne’e ne’ebé mak moras ida-ne’e ita hasoru iha tinan 2019, 2020 maibé foin ita bele vasina iha ita-nia rai. Vasina ida-ne’e mós la’ós kompletu maibé vasina ida-ne’e 4.5 husi pursentu-20 (20%) ne’ebé mak ita hetan duasaun husi Covax Facility katak organizasaun ne’ebé tau hamutuk orsamentu atu bele haree ba iha nasaun kiik sira, la’ós nasaun kiak lae, ba nasaun kiik sira ne’eb’e mak susar tebtebes atu bele hetan asesu ba iha imunizasaun ou vasina Covid-19 ida-ne’e. Lansamentu dahuluk kona-ba vasina Covid-19 ne’e vasina uluk Primeiru Ministru Sr. Taur Matan Ruak, Prezidente Parlamentu Nasionál Sr. Aniceto Longuinhos Guterres Lopes, Prezidente Tribunal Rekursu Sr. Deolindo dos Santos, Eis-Prezidente Repúblika Sr. José Ramor Horta, Eis-Primeiru Ministru Dr. Rui Maria de Araújo, ArceBispu Metropolitania Dili Dom Virgilio do Carmo da Silva, SDB, Reprezentante Organizasaun Mundiál Saúde iha Timor-Leste Dr. Arvind Mathur, Reprezentante Unicef iha Timor-Leste Dr. Bilal Aurang Zen Durrani nomós membru Governu sira seluk. MAI SIMU ONA VASINA COVID-19! VASINA NEE SEGURU

HA’U SIMU ONA VASINA OINSÁ HO ITA?