Deutsch: MAP apoiu Fini modo ba Agrikultór iha Hera

Dili-Ministériu Agríkultura e Peskas (MAP) liu hosi Diresaun Nasionál Agríkultura Hortikultura (DNAH) apoiu fini modo ho variedade oin-oin ba grupu agrikultór sira iha aldeia Hali Dolar Suku Hera, tanba hetan inundasaun hosi mota lori hotu Agrikultór sira nia modo foin lalais ne’e. Diretór Nasionál Rofino Soares Gusmão Reprejenta Diretór Nasionál Agrikultura e Hortikultura hateten katak, Relasiona ho asuntu ne’e Diretór DNAH koordena hamutuk ho Diretór Diresaun servisu Munisipiu Dili nune’e ekipa sira tun Direitamente ba iha baze hodi haree Situasaun real ne’ebé mak akontese. Atividades ne’e hala’o iha loron kinta-feira (15/04) iha Suku Hera. Nia hatutan, ami mai iha ne’e atu fó apoiu fini hanesan fini modo ho variendade oin-oin ho kuntidade ne’ebé maka ki’ik tanba ne’e ma kami iha atu fó , Ami mai ne’e la’os atu lori sasan kompletu ou sasan barak atu fó ba ita bo’ot sira, maibé ami atu haree direitamente kondisaun real ne’ebé mak akontese iha dia 4/4/21 liu ba. Neduni Ami mai haree liu ba iha seitór Agrikultura. Fini ne’ebé mak ami apoiu la barak, maibe ida ne’e hanesan apoiu emerjensia ida ba ita boot sira. Nia hatutan, dadaun ne’e ami rona ona preokupasaun sira hosi kunidade ou agrikultór sira neduni ami sei hato’o ba iha Nasional atu haree preokupasaun hirak ne e. Iha fatin hanesan, Responsavél grupu agrikultura Hera, Rui Freitas Pinto salienta katak, inundasaun ne’ebé mak akontese iha foin lalais ne’e, estraga toos totál 25 hetares, no grupu hortikultura sira ne’ebe maka kuda modo mota lori hotu inklui komunidade nia uma balun. ’’Preokupasaun ne’ebe ami hasoru iha inundasaun ne’e maka hanesan primeiru konaba ba barajen, oinsa mak governu bele normaliza fila mota atu nune’e ami povu ne’ebe moris hanesan vida Agrikultura bele hala’o fali ami nia atividade hanesan bain-bain hodi bele hetan benefisiu ruma mai ami nia moris. Ami mós hakarak husu ba iha Ministériu Obras Publiku atu bele iha lina koordenasaun ne’ebé diak atu oinsa bele ajuda ami.’’ Tenik Rui Apoiu ne’ebé ami husu emerjensia maka primeiru ami hakarak normaliza lalais mota, tanba kuandu tempu udan nia volume ne’e a’as tebes, ida ne’e ami hakarak estadu tenki tau matan hodi bele halo barajen atu bele fó protesaun ba area produtivu vida Agrikultura nian. Ami mós kontenti ho Fini ne’ebe mak ekipa hosi MAP mai distribui ona maibé ida ne’e ami seidauk senti sufisiente tanba agrikultór barak maka hetan afetadu hosi Inundasaun. Ida ne’e hanesan simbolikamente ida mai ami maibé hakarak hetan tan apoiu ho kuantidade ida ne’ebé maka bo’ot liu tan ida ne’e. Totál vareidade fini modo ne’ebe maka destribui ba Agrikultura sira iha Suku Hera maka hanesan: batar midar masa sanulu (10) Aidila masa atus ida (100) mostarda atus ida sanulu (110 jukini masa ruanulu(20) lis tahan walunulu(80) Pipino limanulu (50) oura ne’en nulu (60) fore naruk limanulu(50).Tyfa

Deskulpa seidauk bele publika iha ami nia website tanba linha internet mak sei avaria hela.obrgado wain