Tetun: VICE MINISTRU ADMINISTRASAUN ESTATAL INAGURA UKL IHA ALDEIA BAHAUAI, SUKU UMA UAIN LETEN.

VIQUEQUE: (Segunda, 27-06-2022). Sua Exelencia Vice Ministru Administrasaun Estatal, Sr. Lino De Jesus Torrezão Realiza Seremonia Inagurasaun Uma Kbi'it Laek Ba Unidade tolu iha Aldeia Bahauai, Suku Uma Uain Leten, Postu Administrativu Viqueque Vila, Municipio Viqueque. Iha okaziaun ida ne'e governante ne'e esplika katak, objetivu mai iha fatin ida ne'e atu inagura rejultadu servisu komunidade sira nian, ne'ebé finalija ona uma kbi'it laek tolu iha Aldeia Bahauai hodi fo ba benefisiariu sira atu nune'e sira bele hela iha uma ida ne'ebé mak dignu. "Hanesan ita hatene katak Oitavu Governu Konstitusional ninia programa la'o tuir duni programa, programa hirak ne'e maka hatun mai iha povu sira nia le'et, bainhira ita hatun ona programa mai iha povu sira nia le'et signifika katak ita hatun ona osan mai iha povu sira nia le'et, atu nune'e osan labele ba fali iha estrangeiru neba". Oitavu Governu dadauk ne'e nia aprezenta ona proposta Orsamentu ba Parlamento Nasional, depois ninia programa iha kedas ona no orsamentu hirak ne'e tuir programa ne'ebé maka mensiona iha leten. Bainhira osan ne'e tau ona iha programa signifika katak programa ne'e labele bo'ok ona, e orsamentu ne'e ninia programa mak ida ne'e duni, exemplu orsamentu ba ema kbi'it laek nia labele ba fatin seluk. karik uja osan ne'e ba fali fatin seluk signifika katak uja osan ne'e latuir lei ne'ebé mak iha ona. Programa hirak ne'ebé atu halo iha tinan ne'e mak hanesan ida subsidio ba xefe familia kada tinan-tinana sei hetan $ 200.00 dollar americano no programa UKL+. Programa UKL+ ne'e iha tipu rua ida maka UKL+A ne'e hare ba komunidade sira ne'ebé maka uma leten sei du'ut ou meia parede governu sei troka hotu dala ida. No UKL+B ne'e ba komunidade sira ne'ebé ninia uma metin tiha ona ida ita troka maka kalen sira ne'ebé ferujen, governu sei troka fali kalen foun ho pregu deit para atu prega fila fali, ida ne'e maka governu nia hakarak no sei kontinua esforsu, servisu makas para dezenvolvimentu la'o nafatin iha municipio to'o Suku no aldeia sira iha tertorio timor Leste. Iha seremonia inagurasaun ne'e Partisipa masimu husi Sekretaria Executiva PNDS Nasional, Ekipa PNDS husi Nasional, Diretor Delegasaun PNDS Municipio, Administrador Municipio, Administrador Postu, Comandante PNTL, Xefe Suku,ho Konselhu Suku sira, Xefe Suku Makadiki, Ekipa Jestaun Suku (EJES), Veteranus no Komunidade tomak iha Suku Uma Uain Leten.

1. Remata

• • • MEDIA@MAE2022****