Tetun: Manatuto, 21 Marsu 2023 - Ajénsia Dezenvolvimentu Nasionál, Institutu Públiku (ADN, IP) Liu husi Unidade Kontrolu no Validasaun Kualidade nia Ekipa Tékniku husi Departamentu Edifísiu Públiku, Agua no Saneamentu ne’ebé destakadu iha Munisípiu refere hala’o inspesaun hodi monitoriza projetu New Construction of Gapura and gabion wall protection in Garden of Heroes" Natarbora, ne’ebé mak implementa husi kompañia Senizu Unip. Lda.

Aleinde ne’e tékniku ADN destakadu sira hamutuk ho tékniku husi Departamentu Mekanika no Enerjia Eletrika ADN no tékniku husi Obras Públika (MOP) halo inspesaun konjunta hodi monitoriza projetu Konstrusaun estasaun Permanente GNSS iha Munisípiu Manatuto, ne’ebé responsabiliza husi kompañia Teromovigo Unip. Lda. Iha sorin seluk tékniku ADN husi Departamentu Infraestrutura Transporte no Irrigasaun ne’ebé destakadu iha Munisípiu refere halo inspesaun no monitorizasaun ba projetu R4D rural road spot improvement ,chainage 3+000-6+200, Aubeon Natarbora, ne’ebé mak responsabiliza husi kompañia Linoel Unipessoál Lda, ne’ebé iha terenu ekipa kompañia sira hala’o hela serbisu (item Subbase).

Hafoin ne’e tékniku ADN kontinua halo inspesaun no monitorizasaun ba projetu R4D rural road spot improvement uma boco-agriculture centre, chainage 0+000-3+000 Aubeon Natarbora, ne’ebé responsabiliza husi kompañia We'coi Unip. Lda iha terenu tékniku ADN relata katak kompañia refere finaliza ona serbisu (item Prime Coat) ho metru 800 resin no sei kontinua ba servisu (Asphalt).