Tetun: VISE MINISTRU MAE LANSA SUKU FOUN COLIATE-LETEN IHA POSTU ADMINISTRATIVU HATOLIA A MUNISIPIU ERMERA

Ermera, 16 Maiu 2023-Vise Ministru Administrasaun Estatal, Lino de Jesus Torrezão akompanã husi Vise Ministru Saúde, Bonifacio Mau Coli dos Reis, halo lansamentu ba suku foun Coliate-Leten, kompostu husi Aldeia 4 iha Postu Administrativu Hatulia A Munisipiu Ermera, ne'ebe aprova ona husi VIII Governu Konstituisional liu husi Ministeriu Administrasaun Estatal. Governante ne'e iha ninia diskursu hateten katak, VIII Governu Konstitusional delibera ona Suku 9 iha Teritoriu laran tomak, nune'e ohin ita halo lansamentu dahuluk ba Suku Foun Coliate-Leten iha Postu Hatolia A, sai hanesan previleju bo'ot ba iha Postu ida ne'e tamba sai uma na'in ba lansamentu dahuluk Suku Foun iha Tinan ne'e. Ba komunidade sira ne'ebé mak durante ne'e halerik hela, ohin bele kontente ona tamba lá kleur tan imi sei hari'i Sede Suku rasik iha suku foun ida ne'e tuir fatin ne'ebe imi prepara ona. Ikus liu hodi governu nia naran hato'o parabens ba komunidade hotu iha Suku foun Coliate-Leten. Iha fatin hanesan, Ministeriu Administrasaun Estatal mos entrega Sertifikadu Rekoñesimentu Suku Foun Coliate-Leten ba Autoridade Postu ho estrutura tomak inklui lia na'in sira husi Postu Hatulia A. Lansamentu Suku Foun ne'e Remata ho Serimonia isar bandeira RDTL husi estudante Postu Hatolia A no Vise MAE mak sai nudar Inspetor seremonia.

Lansamentu ba suku foun ne'e hetan mos partisipasaun husi DJDA, DJDR, Administrador Postu Hatolia A, Reprezentante PAM Ermera, Diretor PNDS Munisipiu Ermera, Komandante PNTL Hatolia A, Lia Nai'n sira, Xefe Suku no Xefe Aldeia sira inklui komunidade sira.