Tetun: 𝐏𝐑𝐎𝐆𝐑𝐀𝐌𝐀 𝐄𝐋𝐄𝐓𝐑𝐈𝐅𝐈𝐊𝐀𝐒𝐀𝐔𝐍 𝐊𝐎𝐌𝐔𝐍𝐈𝐓Á𝐑𝐈𝐀 𝐈𝐇𝐀 𝐒𝐔𝐊𝐔 𝐑𝐎𝐓𝐔𝐓𝐎 𝐍𝐎 𝐋𝐄𝐓𝐄𝐅𝐎𝐇𝐎 𝐊𝐎𝐍𝐊𝐋𝐔𝐈𝐃𝐔, 𝐔𝐌𝐀-𝐊𝐀𝐈𝐍 𝟑𝟖𝟑 𝐀𝐒𝐄𝐒𝐔 𝐎𝐍𝐀

Manufahi, 27 Abril 2023: Eletricidade de Timor-Leste, Empresa Pública, (EDTL, E.P) liu-husi Prezidente Konsellu Administrasaun EDTL, E.P Dr. Paulo da Silva akompaña husi Membru Konsellu Administrasaun, Prezidente ANE.I.P Dr. Ruben Jerònimo Freitas ho autoridade Munisípal, Kinta-feira neé, ofisialmente halakan eletrisidade bá Komunidade uma-kain 383 iha Suku Rotuto no Letefoho, Postu Administrativu Same Villa, Munisípiu Manufahi, liu-husi programa projetu eletrifikasaun komunitária (PEK). Xefi Suku Rotuto Jose dos Santos, Agradese ba Governu da-ualu lideradu husi Jeneràl Taur Matan Ruak tanba transforma ona EDTL bà Empresa Estatal (EP) hodi hasa’e kualidade servisu liu-liu rasio eletrifikasaun ne’ebé ohin Suku Letefoho no Rotutu mos sente ona naroman. “Agradese bà ita hotu nia servisu hamutuk ohin loron ita hotu goza ukun An ho naroman eletrisidade nian". Iha fatin hanesan Administrador Munisípiu Manufahi, Sr. Arantes Isaac Sarmento apresia servisu Governu da Ualu nomòs Prezidente EDTL. E-P ho estrutura tomak ne’ebé servisu maka’as hodi instala ona enerjia elétrika bà komunidade sira. Nia hatutan Munisípiu Manufahi Suku hamutuk ruanulu-resin-sia (29) no Suku ruanulu mak asesu ona eletrisidade no hela Suku sia (9) ne'ebè dadaun ne'e iha prossesu implementasaun nia laran, iha tempu besik sei asesu hotu enerjia elètrika. Enkuantu Prezidente ANE. I.P Dr. Ruben Jerónimo Freitas hato’o Parabéns bà komunidade suku rua refere, no husu utilizador enerjia elétrika atu uza ahi ho diak, nomós nafatin kolabora ho EDTL, E.P bainhira akontese avaria ruma. Aleinde ne'e Dr. Ruben mòs hateten “ANE, IP hanesan autoridade ida ne’ebé regula eletrisidade. Knaar ne’ebé ANE, IP halo mak hanesan regula no tau matan bá obra/projetu sira ne’ebé implementa. Prezidente EDTL, E.P Dr. Paulo da Silva lori estrutura tomak EDTL, E.P nia naran apresia bà komunidade no autoridade munisipiu hotu-hotu ninia kontribuisaun hodi servisu hamutuk ohin Loron Suku Letefoho no Rotutu asesu ona eletrisidade. Nia hatete, EDTL, E.P halo servisu Tèkniku tanba ne’e la kolia Politìka, Komunidade suku rua nia komitmentu, apoiu no servisu hamutuk ho EDTL hodi ohin realiza ita-bo'ot sira nia mehi asesu bà eletrisidade. Alende ne'e Dr. Paulo mós relata katak Wainhira VIII Governo transforma Diresaun Geral de Eletricidade ba Empresa Públika (EDTL, E.P.) hodi lori eletrisidade bà territòriu laran. liu husi programa projetu eletrifikasaun nasional (PEN)hodi fahe bà Faze 3 liu husi Faze hirak ne'e EDTL.EP. Hasae rasio eletrifikasaun bà 94%. Ho ida ne’e bá nivel Suku sae ona bá 94% hela 6% mak sedauk , maibé prosesu konstrusaun sei lao hela. Espetativa EDTL nian fulan 5 ou fulan 6 mai nivel suku hotu sei asesu eletrisidade. Bá Aldeia sira ne’ebé seidauk assesu, EDTL iha programa ida bolu projetu komunitáriu, ne’ebè EDTL sei servisu hamutuk ho komunidade hodi aselera instalasaun eletrisidade bá sira nia aldeia rasik ne’ebè seidauk asesu. Aldeia hamutuk 291 mak seidauk asesu bà eletrisidade. Dadaun ne’e EDTL promove rasik bá aldeia sira hamutuk 60 e tal nune’e espetativa EDTL nian fim tinan 2024 aldeia no suku hotu-hotu 100% sei asesu bá eletrisidade. Dr. Paulo da Silva informa bà komunidade sira kona-ba utilizasaun enerjia elétrika, husu atu hotu-hotu uza ho seguru nune’e labele prezudika vida. Apela mós ba aman-inan sira labele halo ligasaun mesak tanba enerjia eletrika ne’e perigu, favor kontaktu tékniku EDTL, E.P no husu atu tau-matan mós ba fasilidade sira ne’ebé instala iha área ne’e. Suku Rotutu no Letefoho EDTL, E.P autoriza hodi uza gratuita durante fulan neen hafoin ne’e tékniku sira sei halo instalasaun kontador pré-pagu hodi kontribui ba taxa eletrisidade.

Obra ne’e implementa liu husi programa projetu eletrifikasaun komunitária (PEK) iha Same Villa to’o Suku Rotutu ho distansia 22 KM no umakain hamutuk mak 383 asesu ba eletrisidade. 

Mèdia EDTL. E.P